Ümumdünya Səhiyyə Təşkilatının (ÜST) baş direktoru Tedros Adhanom Qebreyesus Qəzzada 24 Hepatit A xəstəliyinə yoluxma faktını təsdiqlədiklərini, heç bir ölüm hadisəsinin qeydə alınmadığını bildirib və buna görə sarılıqdan əziyyət çəkən minlərlə insanın ola biləcəyi ilə bağlı xəbərdarlıq edib.
Aztibb.az bu barədə medimagazin.com.tr-yə istinadla xəbər verir ki, T.Qebreyesus X sosial media platformasındakı paylaşımında Qəzzada qaraciyərin iltihabı olan Hepatit A hallarının ÜST-nin təqdim etdiyi test dəstləri vasitəsilə aşkarlandığını bildirib.
Hepatit A-nın adətən yüngül keçdiyini, lakin bəzən ciddi xəstəliklərə səbəb ola biləcəyini deyən baş direktor indiyə qədər 24 yoluxmanın təsdiqləndiyini, heç bir ölüm hadisəsinin qeydə alınmadığını vurğulayıb O, Hepatit A səbəbiylə sarılığa yoluxan minlərlə insanın olduğunu qeyd edib.
