Ümumdünya Səhiyyə Təşkilatının (ÜST) Fələstin nümayəndəsi Rik Peeperkorn İsrailin Qəzzada mülki vətəndaşları hədəf alan hücumları ilə bağlı, "Həyatımda uşaqlar da daxil olmaqla, bu qədər amputasiya hadisəsinin şahidi olmamışam", - deyə bildirib.

Aztibb.az-ın medimagazin.com.tr-yə istinadla xəbərinə görə, Ümumdünya Səhiyyə Təşkilatının onlayn təşkil etdiyi məlumat toplantısında çıxış edən Rik Peeperkorn İsrailin Qəzzaya hücumu nəticəsində yaralanan mülki şəxslərin vəziyyətini dəyərləndirib.

Yaralılar arasında çoxlu travma hadisəsinin olduğunu söyləyən ÜST nümayəndəsi onurğa travmaları, əzilmə yaraları, ciddi yanıqlar, amputasiyalar və uşaqlar da daxil olmaqla, həyatında u qədər amputasiya hadisəsinə şahid olmadığını bildirib.

Qeyd edək ki, İsrailin Qəzza zolağında dinc sakinləri hədəf alan hücumları nəticəsində 59 mindən çox insan yaralanıb

İsrailin Qəzza zolağına 95 gündür təşkil etdiyi hücumlarda ən azı 10 mini uşaq, 7 mini qadın olmaqla 23 min 210 fələstinli həlak olub, 59 min 100 nəfər yaralanıb.

İsrail qüvvələri tərəfindən humanitar yardımların qarşısının alındığı Qəzza zolağında ilkin ehtiyaclar, eləcə də dərman və sağlamlıq ləvazimatları çatışmazlığı yaşanır, yaralıların müalicəsində böyük çətinliklər var.