Ümumdünya Səhiyyə Təşkilatının (ÜST) baş direktoru Tedros Adhanom Qebreyesus X sosial media platformasında İsrailin intensiv hücumlarına məruz qalan Qəzzada vəziyyətlə bağlı paylaşım edib.

Bu barədə Aztibb.az medimagazin.com.tr-yə istinadla xəbər verir.

Məlumatda deyilir: "Şahid olduğumuz vəziyyətlə bağlı narahatlığımızı ifadə etməyə söz tapa bilmirəm."

Qebreyesus Qəzzada davam edən qarşıdurma və ağır bombardmanlarla bağlı xəbərlərin dəhşətli olduğunu vurğulayıb.

ÜST rəhbəri bildirib: "Dünən komandamız Qəzzanın cənubundakı Nasser Xəstəxanasına baş çəkdi. Xəstəxana tutumundan 3 dəfə artıq olan 1000 xəstəni müalicə edir. Müəssisənin hər küncünü dolduran saysız-hesabsız insan sığınacaq axtarır. Xəstələr ağrıdan qışqırırlar. Bu şərtlər səhiyyə xidmətlərinin göstərilməsi üçün ağlasığmaz dərəcədə qeyri-adekvatdır”.