Subaraxnoid qanama (SAQ) həyati təhlükə yaradan, beyin ilə beyin qişaları arasındakı subaraxnoid məsafəyə qanın sızmasıdır.
Aztibb.az xəbər verir ki, Bakı Neyrocərrahiyyə Mərkəzindən verilən məlumata görə, ən sıx subaraxnoid qanama səbəbi travmadır. Travmatik olmayan (spontan) subaraxnoid qanamaların ən sıx səbəbi anevrizma partlamasıdır.
Ani şiddətli baş ağrısı, bulantı və ya qusma, boyunda ağrı, bulanıq görmə, şüur itkisi və qıcolma kimi əlamətlərlə özünü büruzə verir.
SAQ-ın müalicə üç mərhələdə aparılır:
Erkən reanimasiya, bədənin həyati funksiyalarını dəstəkləmək, arterial təzyiqi normallaşdırmaq, təkrar qanamanın qarşısını almağa yönəlir.
Təkrar qanamanın qarşısını almaq üçün anevrizma və ya damar balonu iki üsulla bağlanılır: açıqcərrahiyyə və endovaskulyar.
SAQ-ın qıcolma, hidrosefaliya və vazospazm kimi hallarının qarşısını almaq üçün uzunmüddətli reanimasiya tədbirlərinin aparılması tələb olunur.