Avstraliyanın paytaxtı Kanberrada qadının beynindən cərrahi yolla 8 santimetr uzunluğunda canlı qurd çıxarılıb.

Aztibb.az-ın medimagazin.com.tr-yə istinadla xəbərinə görə, 64 yaşlı qadın 2021-ci ilin yanvar ayında qarın ağrısı, 3 həftə davam edən ishal, həmçinin quru öskürək, qızdırma və gecələr həddindən artıq tərləmə şikayətləri ilə xəstəxanaya müraciət edib.2022-ci ildə qadının şikayətlərinə unutqanlıq və depressiya əlavə edildikdə, o, Kanberradakı xəstəxanaya göndərilib. Anormal beyin fəaliyyəti aşkar edildiyi üçün MRT müayinəsi olan qadının əməliyyat edilməsinə qərar verilib.

Həkimlər əməliyyat zamanı qadının beynindən uzunluğu 8 santimetr, eni 1 millimetr olan canlı qurdu çıxarıblar.

Müayinə üçün laboratoriyaya göndərilən qurdun adətən pitonlarda görülən parazit olduğu müəyyən edilib.

Xəstənin yaşadığı evin yaxınlığında gölün olduğu və gölün ətrafında parazit yaşayan piton növünün tapıldığı bildirilib.