"Həkimlərimizi tanıyaq!" rubrikamızda söz açacağımız Əməkdar həkim Fuad Nəzərov zəngin iş təcrübəsinə malik peşakar təbiblərimizdən biridir.

 

O, Xətai Tibb Mərkəzində ali dərəcəli ümumi cərrah kimi fəaliyyət göstərir. 30 illik iş təcrübəsində 5000-dən artıq əməliyyat həyata keçirib.

 

Fuad Nəzərov Bakıda anadan olub. 1981-1986-ci illərdə Samara Dövlət Tibb Universitetinin Müalicə-profilaktika-cərrahiyyə fakültəsində təhsil alıb. Moskva 31-ci şəhər Kliniki Biliodigestiv (Öd Yolları) və Gastroenterologiya şöbəsində internatura keçib.

 

Həkim Moskvada və Kiyevdə cərrahiyyə üzrə müxtəlif kurslarda iştirak edib. Həmçinin 2010-2011-ci illərdə Ankara Dışkapı Araştırma ve Eğitim Hastanesində təşkil olunan kursun iştirakçısı olub.