Hətta ən təravətləndirici diş pastası da çox vaxt bəzi qoxuların öhdəsindən gələ bilmir.

Sarımsaq istənilən yeməyə dad verir - lakin onu davamlı qoxusuna görə reseptlərdən "ləğv edirik". Ədviyyatlı bir şam yeməyindən sonra, heç bir şəkildə ləğv edilə bilməyən təcili bir görüş ortaya çıxa bilər. İnsanlar isə sarımsaq qoxusundan qurtulmaq üçün hər cür variantlara əl atırlar. Saqqız çeynəmək, dişləri fırçalamaq, yaxalamaq - bu üsullardan istifadə olunur, lakin istənilən nəticəni əldə etmək həmişə mümkün olmur.

Aztibb.az “The Sun” nəşrinə istinadən xəbər verir ki, qastroenteroloq Meqan Rossi sarımsaq qoxusunun hiss edilməməsi ilə bağlı tövsiyələrini bölüşüb. Sarımsaqla yeməkdən dərhal sonra bir alma yemək lazımdır.

“Sarımsaq həzm yolu ilə irəlilədikcə, onun əlavə məhsulları qana sorulur və ağciyərlərə daşınır. Nəfəs aldığımız zaman belə qoxu alırıq. Yəni ağızdan deyil, mədəmizdən, ciyərimizdən gəlir!”, – həkim izah edib.

Almanın tərkibində kimyəvi maddələr var, yəni sarımsağın tərkibindəki kükürd birləşmələri ilə reaksiya verən quercetin . Quercetin onları məhv edir və bununla da onların qana udulmasının qarşısını alır. Və heç bir qoxu olmur.

Həkim həmçinin nahar yeməyini göyərti - ispanaq, nanə, cəfəri ilə yeməyi məsləhət görür. Onların da tərkibində təravətləndirici təsir göstərən quercetin var.