Onurğa əyriliyi, yaxud skolioz günümüzdə tez tez rastlaşdığımız dayaq-hərəkət sistemi xəstəliklərindən biridir.

Aztibb.az-a müsahibəsində pediatr Atlaz Möhsümova bəzən valideynlərin əhəmiyyət verməyib müalicə etdirməkdən yayındığı skoliozun təhlükəsi barədə məlumat verib.

Onurğa döş hissəsində əyri olarsa, qabırğa qabarıqlığı, bel-omba nahiyyəsində isə asimmetriya ilə nəticələnə bilər. Əyrilik döş qəfəsinin həcmini azaldır. Vaxtında müalicə olunmayan əyriliklər ürək, ağciyər və s. orqanlara təzyiq edərək ciddi fəsadlar yarada bilər.

Skolioz anadangəlmə və idiopatik olur. İdiopatik skalioz öz növbəsində 3 növə ayrılır:

- İnfantil (3yaşa qədər)
- Yuvenil (3 yaşdan-10 yaşa qədər)
- Adolesan (10 yaşdan-18 yaşa qədər)

Skolioz deformasiyası zamanı konservativ müalicəyəyə tabe olmayan və əyrilik dərəcəsi 40 dərəcdən yuxarı olan onurğa deformasiyaları cərrahi müdaxilə tələb edir.

Bu foto 17 yaşlı uşaqda valideyn səhlənkarlığından skolizoun görünən həddə çatmasını əks etdirir.

Əziz valideynlər! Müayinə əsasında övladınızda skolioz müəyyən edilibsə müalicəsini vaxtında başladın.