- Qanın Ümumi analizini vermək üçün yemək yedikdən sonra 4 saat keçməlidir.
-Qan analizini USM, Rentgen, KT, Fizioterapiya müayinələrindən sonra vermək olmaz.
- Hər hansı bir infeksion xəstəliyə şübhə olarsa, antitelin müayinələri aparılır. Yoluxmanın vaxtından və bədənin immunetitetindən asılı olaraq müayinələrin nəticələri neqativ ola bilər. Amma nəticələrin neqativ olması infeksiyanın olmamasını istisna etmir. Müayinəni 2-3 həftə sonra təkrar vermək məsləhət görülür.
- Müayinədən minimum 1 saat öncə siqaret çəkmək qadağandır.
- Bəzi müayinələrin nəticələrinə zaman təsir etdiyinə görə hormonları ciddi vaxt çərçivəsində vermək məsləhətdir. Saat 8:00-dan 10:00-a qədər.
- Sidiyin müayinəsinə 1 gün qalmış xəstə qida rasionundan rəngli meyvə və tərəvəzləri çıxarmalıdır və duzlu qidalar qəbul etməməlidir.
- Nəcis analizi verərkən nəcis steril qaba yığılmalıdır. İmalədən sonra alınmış nəcis müayinə üçün yararsızdır. Qurd yumurtası təyin edərkən nəcis 15 dəqiqə ərzində laboratoriyaya çatdırılmalıdır. 1-ci dəfə qurd yumurtası tapılmayıbsa tam əminlik üçün 3 gün ardıcıl analiz vermək məsləhətdir.
- Spermoqramma analizindən öncə cinsi əlaqədə olmaq olmaz. Son cinsi əlaqədən 3 gün sonra vermək məsləhətdir.
 - Menstrual tsiklin fazasından asılı olaraq müayinənin nəticələri dəyişə bilər. Odur ki, hormonları vermək üçün tsiklin günü, hamilə qadınlarda isə hamiləliyin müddəti həkim-ginekoloqun nəzarətində olmalıdır.
- Qan analizindən 1 gün əvvəl alkoqol qəbulundan, yüksək fiziki gərginlikdən, güclü psixiemosional stresslerdən, qida qəbulunda və gündəlik rejimdə ciddi dəyişikliklərdən çəkinmək lazımdır.
- Biokimyəvi müayinələr; lipidoqramma, xolesterin, triqliseridlər, yüksək və aşağı sıxlıqlı lipoproteinlər, qlükoza, qanın elektrolitləri - tam ac qarına verilir (qida qəbulundan 12-14 saat keçdikdən sonra).

Həkim onu da tövsiyə edib ki, təkrar analizlər eyni laboratoriyada verilməlidir. Çünki, müxtəlif laboratoriyalar müxtəlif reaktivlərlə və müxtəlif aparatlarla çalışır. Cavabların fərqli olması mümkündür.