İcbari Tibbi Sığorta Agentliyinin İdarə Heyətinin sədri Zaur Əliyev martın 15-də Sumqayıt şəhər və Qubadlı rayon sakinlərini qəbul edəcək.
Bu barədə Aztibb.az Agentliyə istinadən xəbər verir.
Qəbul Sumqayıt şəhəri, Heydər Əliyev prospekti 43 ünvanında yerləşən Sumqayıt Tibb Mərkəzinin konfrans zalında (2-ci mərtəbə) saat 10:00-da başlayacaq.
Qəbula gəlmək istəyən vətəndaşlar şəxsiyyəti təsdiq edən sənədlə birgə Sumqayıt Tibb Mərkəzinin və Qubadlı Rayon Mərkəzi xəstəxanasının Ümumi şöbələrinə müraciət etməklə, eləcə də İcbari Tibbi Sığorta üzrə Dövlət Agentliyinin 1542 Çağrı mərkəzinə, (+994 12) 310 07 70 (daxili 2117) əlaqə nömrəsinə zəng etməklə və ya Agentliyin www.its.gov.az rəsmi saytının vətəndaşların qəbulu üçün onlayn qeydiyyat bölməsi vasitəsilə, yaxud [email protected] elektron poçt ünvanına yazmaqla qeydiyyatdan keçə bilərlər.
