Tənəffüs xəstəliklərinin müalicəsində geniş istifadə olunan Ambroksol dərmanı Parkinson xəstəliyinin inkişafını yavaşlatmaq üçün də səmərəli ola bilər.
Aztibb.az-ın medimagazin.com.tr-yə istinadla xəbərinə görə, Ambroksol tənəffüs xəstəliklərinin müalicəsində istifadə olunan dərmandır, öskürəyi azaldır və iltihab əleyhinə gücləndirici xüsusiyyətlərə malikdir.
UCL Kraliça Meydanı Nevroloji İnstitutunun professoru Şapiranın rəhbərlik etdiyi klinikada aparılan tədqiqatlar zamanı Ambroksolun Parkinson xəstəliyinin inkişafını yavaşlatmaq üçün namizəd dərman olduğu təyin edilib.
Professor tərəfindən UCL-də aparılan 2-ci faza klinik sınaqlarının nəticələri 2020-ci ilin yanvarında dərc edilib və Ambroksol dərmanı Parkinson xəstələrində sınaqdan keçirilib.
Tədqiqat qrupu dərmanın beynə təsir edəcəyini və GCase (qlükoserebrosidaza) proteinin səviyyəsini artıracağını aşkarlayıb. GCase alfa-sinuklein (Parkinson xəstəliyində əmələ gələn və vacib olduğu düşünülən zülal) də daxil olmaqla, tullantı zülalları daha effektiv şəkildə çıxarmağa imkan verir. Həmçinin Ambroksolun Parkinson xəstələri üçün təhlükəsiz olduğu bildirilib.
ASPro-PD adlı dünyanın ilk faza 3 sınağında İngiltərədəki klinik mərkəzlərdə Parkinson xəstəsi olan 330 nəfər iştirak edəcək. İştirakçılar daim nəzarətdə olacaq və iki il müddətində Ambroksol qəbul edəcəklər.
Ambroksolun effektivliyi onun Parkinson xəstəliyinin inkişafını ləngitmək qabiliyyəti ilə ölçülür. Artıq sınaq iştirakçılarının daxil edilməsinə başlanılıb.