Şəlalə Həsənovanın "Azərbaycanı qarış-qarış” layihəsi davam edir. Lənkəran, Şəki, Gəncə, Qusardan sonra Naxçıvanda da böyük konfrans keçiriləcək.

Aztibb.az xəbər verir ki, 6-7 may 2022-ci il tarixlərində Naxçıvan şəhərinin Duzdağ otelində Ümummilli lider Heydər Əliyevin anadan olmasının 99-cu ildönümünə həsr olunmuş "Neonatal diaqnozların xəstəlik tarixçələri üzərində müzakirəsi. Yaz hesabatı 1-ci modul" adlı Beynəlxalq Neonatoloji Konfrans hibrid (canlı və onlayn) rejimdə keçiriləcək.

Azərbaycan və Türkiyə mütəxəssislərinin iştirak edəcəyi tədbir Azərbaycan Respublikasının Səhiyyə Nazirliyinin Elmi-Tibbi Şurası və Naxçıvan Səhiyyə Nazirliyi tərəfindən akkreditasiya olunacaq.

Konfrans Səhiyyə Nazirliyinin İctimai Səhiyyə və İslahatlar Mərkəzinin, Naxçıvan MR Səhiyyə Nazirliyinin və Uptodate in Medicine-nin birgə əməkdaşlığı ilə baş tutacaq.

Layihənin rəhbəri Şəlalə Həsənova, təşkilatı dəstək “FRİSO Gold” şirkətinə məxsusdur.