Aztibb.az xəbər verir ki, həkim-fitoterapevt Fizuli Hüseynov bildirib ki, insan oruc tutanda vücudunu buna hazırlayır: "Belə deyək ki, bədən bilir ki, 17 saat ac qalmalıdır və mədə-bağırsaqlarımız yemək vaxtlarında artıq şirə ifrazını azaldır, bu isə zaman keçdikcə tam normaya düşür. Dəqiq desək, bədənimiz beynimizə tabe olmağa başlayır və beynimiz bədəni tam nəzarətə alır".

 

 

Bunun bir çox üstünlükləri vardır, belə ki, insan səbrli olmağı, dözə bilməyi özünə aşılayır. Lakin dieta saxlayanda belə bir "əmr" olmur, yemək saatlarında şirə ifrazı əvvəlki kimi olur və bu da mədə-bağırsağa ziyan gətirir, boş mədəyə axıdılan şirə mədə divarını yandırır.

 

"Bəzi adamlar işin çoxluğundan və ya digər problemlərə görə günorta yeməyini yeməyə bilir. Bu zaman onlar oruc zamanı bədənin aldığı faydanı ala bilmirlər. Bundan başqa dieta vaxtı az da olsa insan ağzına nəsə atır, deməli ağıza atılan adi bir şey belə bizim bütün orqanizmi düz 12 saat məşğul edir, oruc vaxtı isə bunu etmək olmaz", - deyə fitoterapevt əlavə edib.