Aztibb.az xəbər verir ki, bu barədə tanınmış pediatr Günay Rəsulova məlumat verərək qeyd edib ki, son zamanlar belə hallar və bu səbəblə yaşanan problemlərə həddindən artıq çox rast gəlinir. Belə ki, uşaq sidiyini axşama kimi saxlayırsa, deməli sidik kisəsini tam boşaltmır. Bu da ciddi sidik yolu infeksiyası yaranma riskini ortaya çıxarır.

 

Həkim  vurğulayıb ki, həm qız, həm də oğlan uşaqlarını ayaq yoluna gedərkən yaxından izləmək, onların sidiyə getmə qaydalarına düzgün riayət edib-etmədiklərinə diqqət etmək lazımdır. Bu, olduqca önəmli məsələdir:

 

"Sidik kisəsində nə qədər çox sidik qalırsa, o qədər çox sidik kisəsinin iltihablaşması, infeksiyalaşması riski artmış olacaq. Uşaqlara düzgün tualet qaydalarını öyrətmək çox vacibdir. Əgər şübhəli məqam varsa, uşağın yanında durmaq, onu bir müddət izləmək, axıra qədər sidiyə gedib-getmədiyinə əmin olmaq lazımdır.

 

G.Rəsulova, həmçinin qız uşaqlarına tualetdə düzgün oturma qaydalarını izah etməyin vacibliyini önə çəkib. Əlavə edib ki, uşaqlara tualetə girib-çıxdıqdan sonra gigiyena qaydalarını riayət etməyi öyrətmək də önəmli nüanslardıandır.