"Sümük çıxmışdı, yerinə saldım". Bunu bəzən topuq oynağında, bəzən də diz oynağı ilə bağlı deyirlər. Lakin topuqda və dizdə çıxıq üçün çox ciddi travma olması lazımdır. Topuq 3 yerdən sındıqdan sonra çıxa bilər. Bu səbəbdən vəziyyəti fəsadlaşaraq gələn xəstələrim az deyil", - deyə həkim bildirib. 

 

E.Qasımovun bildirdiyinə görə, sınıqçılar arasında möhkəm dartmalar, sərt masajlar nəticəsində xəstənin aldığı travmanı şiddətləndirənlər çoxdur. Sınıq və ya çıxıq şübhəsi varsa, dərhal mütəxəssisə müraciət edilməlidir.

 

"Gecikmələr bir çox fəsadlara gətirib çıxarır. Əgər vətər qopubsa, o, 3 həftədən sonra yapışır və onu dartıb yerinə salmaq çətin olur. Sümük sınıbsa, 3 həftə ərzində bitişmə başlayır. 3 həftəyə qədər yumşaq sümük birləşir, 3 həftədən sonra sınıq yeri bərkiməyə başlayır. Bu zaman yenidən sümüyü sındırıb düzəltmək lazım olur. Məlumatlı olun, vaxtında həkimə müraciət edin, sağlam qalın, - həkim əlavə edib.