"Bu zaman nə baş verir? Azalmış qan axınını kompensasiya etmək üçün ürək təzyiqi yüksəlir. Əgər hər hansı bir səbəbdən onurğa arteriyaları sıxılmış vəziyyətdə olarsa daimi hipertoniya xəstəliyi yaranacaqdır. Baxmayaraq ki, bu vəziyyətdə ürək gücləndirilmiş iş rejimində işləyir, beyinə yenə də oksigen azlığı yaranır, enerji də öz növbəsində azalır. Belə bir vəziyyətdə baş beynin digər strukturu olan hipotalamus da prosesə qoşulur və bunun nəticəsində hormonal disbalans yaranır. Baş beyində çatışmayan enerjini kompensasiya etmək üçün qana əlavə qlükoza daxil olur. Nəticədə hipertoniya əmələ gəlmiş xəstəyə əlavə olaraq II tip şəkərli diabet qoşulur.

 

Bəs onurğadan keçən damarların sıxılmasına səbəb nədir? Fəqərələrin yerdəyişməsi, osteoxondroz, protruziya, yırtıqlar. Bu səbəblər tədricən və gözəgörünmədən milyonlarla insanın həyatına son qoyur. Beynəlxalq səhiyyə təşkilatı (BST) arterial hipertoniyanı vaxtından qabaq ölümlərin əsas səbəbi kimi qiymətləndirir. BST-nin verilmiş proqnozlarına əsasən 2025-ci ildə 1,5 milyard insan daim və ya periodik arterial hipertenziya xəstəliyindən əziyyət çəkəcək. Bura öz növbəsində infarkt, insult, şəkərli diabet kimi xəstəliklərin epidemiya xarakteri almasına şərait yaradacaq".