Kətan toxumunun bir çox müalicəvi təsirləri vardır. Kətan toxumu xalis Omeqa 3 qaynağı olmaqla yanaşı, qanda xolesterolun miqdarını, arterial təzyiqi aşağı salır, ürək-damar xəstəliklərin, xərçəngin və iltihabi xəstəliklərin müalicəsində faydalı təsirlərə malikdir. Kətan toxumunun tərkibindəki kimyəvi birləşmələr qan laxtalanmasının, ürək döyünməsinin, aritmiyanın, ürək damarlarında olan qüsurların, koronar çatışmazlığın, kardiosirkulyator xəstəliklərin müalicəsində çox faydalıdır. Kətan toxumu döş və bağırsaq xərçənginə qarşı qoruyucu təsir göstərir.

Aztibb.az xəbər verir ki, kətan toxumunun kimyəvi tərkibi aşağıdakı maddələrdən ibarətdir:

- lutein
- vitamin B1
- vitamin B2
- kolin
- pantotenik
- vitamin B6
- fol turşusu
- vitamin C
- vitamin E
- vitamin K
- pp vitamini
- betain və s.

Kətan toxumu çayının faydaları:

- öskürəyi kəsir
- mədə-bağırsaq sisteminin fəaliyyətini yaxşılaşdırır
- ürək xəstəliklərinə müsbət təsir göstərir
- diş əti xəstəliklərini sağaldır
- bədəndə olan bütün iltihabi problemləri aradan qaldırır
- üz və ayaqlarda olan şişkinliyi aradan qaldırır.

Kətan toxumunun çayının dəmlənmə üsulu:

20 qram kətan toxumunun üzərinə 1 litr soyuq su tökülür və 10-15 dəqiqə qaynadılır. Sonra çaynik dəsmalla örtülür, 1 saat isti vəziyyətdə saxlanılır.