Aztibb.az xəbər verir ki, nefroloq Barat Yusubov bildirib ki, zərərli qida, orqanizmdəki infeksiyalar, xəstəliklər böyrəklərin sağlamlığına təsir edən faktorlardır. Bu səbəblərdən bəzən böyrəklərdə kəskin və dözülməz ağrılar baş verir. Qadınlar kişilərə nisbətdə daha çox bu ağrılara məruz qalır. Bu ağrıların bəziləri keçici olur, bəzi hallarda isə mütləq həkim müdaxiləsi tələb edir.

 

B.Yusubovun sözlərinə görə, şiddətli böyrək ağrılarında laqeydlik edilməməli və təcili həkimə müraciət edib müalicəyə başlanılmalıdır.

 

Həkim böyrək problemlərinin yaranmasının qarşısının alınması üçün qabaqlayıcı tədbirləri təqdim edib:

 

- Gündə 8-10 stəkan su için.

- Sidiyə çıxma istəyi zamanı özünüzü sıxıb sidiyi saxlamayın.

- Sidik orqanları nayihəsinə spreylər tətbiq etməyin.

- Liflə zəngin qidalara üstünlük verin.

- İnfeksiyalarına qarşı həssaslıq varsa, Pisuardan (kişilər üçün ayaqüstü tualet) uzaq durun .

- Təmiz və gigienik yerlərdə ayaq yolunuzu edin.

- Sudan əlavə meyvə suları, xüsusilə zoğal suyu için.

- Yüksək dərəcə natrium tərkibli içəcəklərdən uzaq durun.

- Böyrəklərdə oksalatın yığılmasına səbəb olan qidalardan uzaq durun: çay, ispanaq, çuğundur, şokolad, fındıq və s.