Aztibb.az-ın xəbərinə görə, həkim-pediatr Aytən İsmayılzadə "Sətəlcəm (pnevmoniya) nədir?", "Yenidoğulmuşda sətəlcəm ola bilərmi?", "Soyuqlamadan pnevmoniya olarmı?" kimi suallara cavab verərəkən belə deyib. 

 

Həkimin sözlərinə görə, sətəlcəm olan uşaq aktiv ola bilməz. Bəzən evdə aktiv, oynayan, sadəcə öskurəyi olan uşaq üçün "Görəsən sətəlcəm olmaz ki?" deyə narahat olur, rentgen etməyə tələsirlər. Lakin buna ehtiyac yoxdur. Hər öskürək pnevmoniya demək deyil. Pnevmoniya zamanı öskürək olmaya da bilər. Məsələn, körpələr zarıyır, yeməkdən imtina edir., tənəffüsü çətinləşir. Yenidoğulmuşlar üçün zarımaq xəstəlik əlamətidir. Aktiv səsli, emosiyalı ağlamaq isə sağlamlıq əlamətidir. Yenidoğulmuşda alveollar, yəni hava kisələri tam açılmasa, pnevmoniya inkişaf edə bilir. Hətta süd əmərkən tez-tez çeçəyən uşaqlarda, reflyuksu olan, tez-tez qaytaran uşaqlarda süd aspirasiyası (nəfəs yoluna getməsi) nəticəsində də pnevmoniya inkişaf edə bilir. Serebral iflic xəstəliyi olan uşaqlarda da yeməyin aspirasiyasına bağlı pnevmoniyalar tez-tez olur:

 

"Əksər halda isə pnevmoniya yəni ağciyər toxumasının iltihabı virus və mikroblardan qaynaqlanır. Bəzilərinə qarşı peyvəndlər var. Hər dəfə qrip virusunda pnevmoniya olursa, o zaman qrip (influenza) virusuna da qarşı peyvənd məsləhət görülür".