Bu ölkə tibbi və səyahət turizminə məhdudiyyətlər tətbiq etdi. Qırmızı siyahı
20.12.2021 11:57
İsrail COVID-19-a yoluxmanın artmasına qarşı tədbirləri sərtləşdirib, tibbi və səyahət turizminə məhdudiyyətlər tətbiq edib.
 
Aztibb.az xəbər verir ki, Səhiyyə Nazirliyindən verilən açıqlamada Türkiyə, İngiltərə, İtaliya, Belçika, Almaniya, Macarıstan, Mərakeş, Portuqaliya, Kanada və İsveçrədən İsrailə səfər edənlərin çərşənbə günündən etibarən ölkəyə qəbul edilməyəcəyi bildirilib.
 
Nazirlik qadağan olunmuş ölkələrdən qayıdan bütün israillilərin, o cümlədən peyvənd olunmuş və sağalmış şəxslərin ən azı 7 gün karantində qalacağını, xarici vətəndaşların isə humanitar hallar istisna olmaqla ölkəyə buraxılmayacağını açıqlayıb.
 
Qırmızı siyahıya əvvəl də bir çox Afrika ölkəsi, 8 Avropa ölkəsi və Birləşmiş Ərəb Əmirlikləri salınmışdı.