Dərini, hətta ətini belə yeyənlərin əziyyət çəkdiyi qorxulu xəstəlik – Dermatofagiya - aztibb.az AZƏRBAYCANIN SƏHİYYƏ XƏBƏR PORTALI

Dərini, hətta ətini belə yeyənlərin əziyyət çəkdiyi qorxulu xəstəlik – Dermatofagiya

29.10.2021 17:58

Çox rast gəlinən bir xəstəlik olan bu davranış əslində psixoloji bir pozğunluqdur.

Aztibb.az cəmiyyətdə çox görülsə də, tibb ədəbiyyatında az yer tutan bu xəstəlik haqqında məlumatı təqdim edir.

Bu xəstəliyə düçar olan insanlar əslində dırnaq ətrafındakı dərini bir qədər qoparır və udmaqla həzm edirlər. Təbii ki, bunu etməyənlər də var!

Dırnaq ətrafındakı dərini yeməyə başladığınız zaman fərqində belə olmursunuz. Bunu dərk edəndə özünü saxlaya bilmirsənsə, sən də bu xəstəlikdən əziyyət çəkirsən!

Bu vəziyyətin heç bir sağlamlıq problemi yaratmaması və ya böyüklərin bu vəziyyətdən utanması tibb ədəbiyyatında az yer tutmasının səbəbi ola bilər. Bu xəstəlikdə əlin ətrafında açıq yaralar meydana gəldiyi üçün hər cür çirklənməyə məruzsunuz.

Bəzi mütəxəssislər deyir ki, dırnaq yemə, saç yolma və dəri yemə, ciddi şəkildə özünü məhv etmə səviyyəsinə çatmasa, davranış pozuntuları sayılmır.

Əldəki açıq yaralar yoluxsa, barmaqlarınızda qabarıqlar yarana bilər. Bəzi insanların da bu qabaran dərini yemək istəyi var. Daha inkişaf etmiş səviyyələrdə, barmaqlarınız yoluxmuşsa və yemək davranışı davam edərsə, ağzınız yoluxa və yaralar əmələ gələ bilər.

Canavarlar tələyə düşdükdə stress səbəbindən öz dərilərini dişləri ilə dartıb yeyə bilirlər. Bu səbəbdən bu xəstəliyə tutulan insanlara xalq arasında “qurd dişləməsi” də deyirlər.

Bu xəstələrin yedikləri hissədə dərinin nəzərə çarpacaq qalınlaşması əmələ gəlir. Bu qalınlaşmanın səbəbi bədənin dəri itkisinə və yaralara reaksiyası kimi qəbul edilə bilər.

Bu davranış bəzən çox ağrılı ola bilir. Amma bu xəstəliyi olan insanlar bu ağrıdan asılı olmayaraq dərilərini normal şəkildə yeməyə davam edirlər.

Xəstəliyin səbəbi hələ tam məlum deyil. Saç yolma və dırnaq yemə kimi davranışlar obsesif kompulsif pozğunluq (OKB) təsnifatına daxil edilib.

Bu davranışın hər zaman stress altında edilmədiyi, həm də normal zamanlarda vərdiş olaraq davam etdiyi müşahidə edilib. Ona görə də birbaşa səbəb dəqiq göstərilmir.