Aztibb.az xəbər verir ki, Mərkəzi Gömrük Hospitalının Efferent Terapiya şöbəsinin rəisi, nefroloq Mirmənsim Məmmədov “Həkimlə görüş” rubrikasında böyrək zədələnmələrinin müalicəsində həyata keçirilən yeniliklər barədə ətraflı məlumat verərkən belə deyib.

  

 

- Xroniki böyrək çatışmazlığı xəstələri, immun sisteminin cavab mexanizmində olan problemlər səbəbindən risk qrupuna aid edilirlər. Bu səbəbdən bu qrupa aid olan xəstələrin peyvənd olunmasına öncəlik verilir və daha diqqətli olmaları tövsiyə olunur.

 

 

- Sepsis (sepsis bədənimizin hər hansı bir infeksiyaya qarşı verdiyi reaksiyanın səbəb olduğu, bəzi hallarda potensial ölüm təhlükəsi daşıyan bir haldır) antibiotik və digər dərman maddələri ilə nəzarət altına alına bilmədikdə, sepsis kolonundan istifadə olunur. Bu prosedur həkimə xəstəliyi müalicə etmək üçün zaman qazandırır və digər orqan və sistemlərin zədələnməsini azaldır.

 

 

Bu tip vəziyyətlərdə böyrək əvəzedici cihazların tətbiqinə qədər, xəstələrin günlük və saatlıq böyrək funksiyası testləri aparılır, maye balansına, istfadə olunan antibiotiklərin və digər dərmanların dozalarına ciddi nəzarət olunur. Ehtiyac olduqda gündəlik laborator müayinələrin nəticələrinə və klinik vəziyyətə əsasən böyrək əvəzedici müalicədən (hemodializ, günlük hemodializ, yavaş və uzunmüddətli hemodializ, hemodiafiltrasiya və s.) istifadə olunur.

 

 

Qəbul olunan ummunosupressiv preparatlar və digər dərmanların dozası nefroloq nəzarəti altında dəyişilməlidir.

 

 

- Hər iki xəstə qrupuna daxil olan insanların ölkəmizdə olan istənilən peyvənd vasitəsilə peyvənd olunması məsləhət görülür.

 

 

- Uzun müddət susuz qalmamaq, maye balansına ciddi nəzarət etmək, günün pik saatlarında müvafiq qoruyucu vasitələrdən istifadə edərək günəş şüalarından qorunmaq, mövsümi məhsulların (qarpız, yemiş, üzüm və s.) qəbulunda diqqətli olmaq.

 

 

- Bəli, hemodializ xəstələri də immunsupressiv (bədən müqaviməti zəif olan) xəstələr qrupuna aid edildiyi üçün COVID-19 törədicisi və ya digər infeksiyalar səbəbindən sepsis yaranması təhlükəsi var. Hemodializ prosedurları zamanı infeksiya damar yollarından daxil ola bilər və belə vəziyyət ölümcül sepsisə gətirib çıxara bilər.

 

 

Xroniki böyrək xəstəliyi üçün risk yaradan hallar aşağıdakılardır:

 

- Şəkər xəstəliyi, yüksək qan təzyiqi, ürək-damar xəstəlikləri;

- Piylənmə (bədən kütlə indeksi >30kq/m2);

- Siqaret çəkmə;

- Böyrək daşı xəstəliyi, təkrarlanan sidik yolları infeksiyası;

- Tez-tez ağrıkəsici dərmanlardan istifadə edilməsi;

- Revmatoloji xəstəliklər;

- Yaşın 60-dan yuxarı olması:

 

Yuxarıda sadalanan risk faktorları olan insanların şikayətlərinə əsasən müəyyən zaman aralıqlarında nefroloq müayinəsində olmaları məsləhət görülür. Xatırladaq ki, Mərkəzi Gömrük Hospitalında COVID-19 xəstələrinin müalicəsində ilk dəfə olaraq sepsis kolonundan istifadə olunub. Belə ki, dərman preparatlarının tətbiqi effektsiz olduqda, sepsis kolonundan istifadə edilir. Bu üsul həkimlərə vaxt qazandırır və xəstəliyin müalicəsində daha effektiv nəticələr əldə etməyə imkan verir.