Ramazan ayında oruc tutan insanlar saatlarla ac qaldığından çox vaxt baş ağrısı, yaxud onun daha kəskin halı ilə üzləşirlər.
Aztibb.az xəbər verir ki, bu hal susuzuluq və yuxusuzluqdan, yaxud siqaret vərdişi olan insanların saatlarla siqaret çəkə bilməməsi, miqren xəstələrinin ağrıları olan halda dərman qəbul edə bilməməsi səbəblərindən də baş verir.
Mütəxəssislər miqren xəstələrinin iftar və sahur arasında doğru yemək və içki seçməklə ağrının qarşısını ala biləcəkləri fkrini irəli sürüblər. Baş ağrısı və miqrenin qarşısını almaq üçün oruc tutmazdan öncə kofein qəbulunun tədricən azaldılması vacib sayılır.
Tövsiyə olunur...
Xüsusilə kofeinli qidalar və içkiləri tez-tez qəbul edənlər buna 16 saatdan çox ara verdikdə narahatlıqlar başlayır. Bu vəziyyət baş ağrısı və miqrenə səbəb ola bilər. Odur ki, bunun qarşısını almaq üçün oruc tutmazdan əvvəl gündəlik rasionda kofeinin miqdarı azaldılmaqla orqanizmdə sabit qan səviyyəsi təmin edilməlidir. Mütəxəssislər miqren botoksu və radiofrekans müalicələrin də xroniki miqren xəstələrinə müsabət təsir edəcəyini bildiriblər.
Dünya əhalisinin təxminən yüzdə 15-i miqrendən əziyyət çəkir. Uzun müddətdir ki, bu risk qadınlarda yüzdə 43, kişilərdə yüzdə 18-dir. Xroniki miqren isə dünyada yüzdə 1,4 ilə 2,2 arasındadır.
Botoks və radiofrekans ağrını bloklayır
Mütəxəssislər “Botulinum Toksin A”nın xroniki miqren xəstələrinə tətbiq oluna biləcəyini müəyyən ediblər. Eyni zamanda, sinirə radiofrekans tətbiqi də oruc tutan insanları miqren tutmalarından qoruya bilər. Miqrenli insanlar iftar zamanı bol maye içməli, yuxusuz qalmamalıdırlar. İftar və sahur arasında ən azı 2 litr maye qəbul edilməlidir. Qidalanmaya gəldikdə isə onlar üçün proteinli ve lifli qidaların daha faydalı olduğu bildirilib.