Üzdə qızartının yaranması dəri problemlərindən biri sayılır.

Uşaqlarda və yetkin insanlar, eləcə də qadın və kişilərdə bu problemlə tez-tez rastlaşmaq mümkündür. Bəzən öz-özünə itən qızartılar sonradan yenidən üzə çıxmağa başlayır. Bu allergik xəstəlik adətən uşaqlarda baş verir. Qızartılar bir və ya hər iki yanaqda ola bilir.

Qızartılar qaşınan və ya qaşıntısız ola bilər. Yanaqda əmələ gələn dairəvi qızartılar görünüşünə görə qabıqlı və qabıqsız olmaqla 2 cür olur.

Səpgilər dəri qatından biz az qabarıq şəkildə təzahür edir və çəhrayı, qırmızı və ya moruq rəngində olur. Qızartılar akne, ekzema, dermatit, allergik reaksiya, rozella səpgiləri halında olur. Yanaqdakı qızartılar zərərsiz sayılır və asanlıqla müalicəyə tabe olur.

Bəzən qızartılar bakterial meningit xəstəliklərinin əlaməti də ola bilər. Bakterial meningit zamanı yanaqda olan qırmızılardan sonra üzün dərisində göyümtül-moruq rəngində ləkələr qalır. Ona görə də həkimə müraciət etmək və diaqnozu dəqiqləşdirmək lazımdır.

Yanaqdakı qızartılara sinir sistemi xəstəlikləri, həzm prosesində baş verən patologiyalar, kardiosirkulyator xəstəliklər, immun sistemi xəstəlikləri də səbəb ola bilər.

Yanaqda qızartılarla yanaşı, bəzi əlamətlər də meydana çıxa bilər:

- qızartılarda qabarma və qanamalar
- yanaqda yanğı hissi
- dəridə qaşınma və çatlar
- ağız və ya burunda yaralar
- nadir hallarda çənədə və boyunda yaraların olması
- qızartı və iltihab
- qabıqvermə və qabığın soyulması
- qızartının ətrafında şişkinlik
- yanaqda qan damarlarının görünməsi.

Qızartıların həcmi geniş olduqda xəstələrdə burun axması və asqırma da müşayət edilir.

Yanaqlarda qızartıların əmələ gəlməsinə bəzi kimyəvi maddələrlə yaxın təmasda olmaq da səbəb ola bilər. Bu halda qızartını törədən səbəbdən uzaq durmaq və yüngül allergiya müalicəsi xəstəliyin əlamətlərini aradan qaldıra bilər.