İnsan ilk növbədə, sağlam qidalanmalıdır ki, xəstələnməsin. Sağlam olmaq üçün qidalanmaya diqqət etməli və xəstəlik ağırlaşmaqda davam edərsə dərman bitkilərindən istifadə etməlidir. Probiotiklər insanların sağlam yaşaması üçün bağırsaq mikroflorasının qidasıdırlar. Bağırsaq mikroflorası nə qədər zəngin və sağlam olarlarsa insan da o qədər sağlam immunitetli olar. Belə insanlarda allergiya olmaz, tez tez xəstələnməz , yoluxucu xəstəliklərə qarşı dözümlü olarlar.

 

Aztibb.az xəbər verir ki, bu barədə həkim-fitoterapevt Fizuli Hüseynov məlumat verib. Həkim tərəvəz turşusu reseptləri təqdim edərək bildirib ki, onların tərkibindəki bütün məhsullar ayrı-ayrılıqda və birlikdə faydalıdır. 

  

 

2 kq kələm , 500 qram qırmızı kələm, 200 qram kök, 100 qram çuğundur, 100 qram sarımsaq, 100 qram təzə zəncəfil əvvəlcə yaxşı yaxşı yuyulur, sonra kiçik ölçüdə doğranılır, sonra üstünə 1 ovuc dağ duzu (Naxçıvan duzu) səpib yaxşı-yaxşı qarışdırılır, 12-16 saat arası gözlədikdən sonra süzüb suyu atılır, daha sonra üstünə 2 stəkan təbii alma sirkəsi tökülür. Hamısını böyük bir qazana yığıb üstünə qaynadılmış, soyudulmuş və bu suda 2 xörək qaşığı dağ duzu həll edimiş su əlavə edilir. Suyu tərəvəzlərin üstü örtülənə qədər töküb 10-15 gün gözlədikdən sonra istifadə edə bilərsiniz.

 

Bildiyimiz kimi, ümumiyyətlə turşuları ziyanlı qidalar kimi tanısaq da bu turşu əksinə sağlamlıq üçün vacib olan təbii probiotik mənbəyidir. Turşunun tərkibində mineral və vitaminlər zəif dəyişikliyə uğrasalar da tərəvəzlərin fermentləşməsi nəticəsində zəngin probiotik mənbəyinə çevriliblər. Ümumi çəkisi 3 kq olan bu tərəzlərdən ibarət turşu bitdikdən sonra yenə təzə-təzə hazırlayıb qidalanmaq birdəfəyə çox hazırlamaqdan daha çox faydalıdır. Çünki bu kimi turşuları çox hazırlayıb qidalanma müddətini uzatdıqca turşunun fermentativ aktivliyi azalır və turşi ziyanlı bir qida vasitəsinə çevrilir. Yaxşı olar ki, 10 gündən sonra qidalanmağa başladığınız turşunu elə 10 gün müddətində də yeyib qutarasınız. Turşu zəngin C vitamini mənbəyidir, sinqa xəstəliyi, ağız yaraları, iştahsızlıq, poliartrit, revmatizma, xərçəng xəstəliyi, osteoporoz, disbakterioz, qəbizlik, bağırsaq təmbəlliyi kimi xəstəliklərdə olduqca faydalı qidadır.