Yardımlı Rayon Mərkəzi Xəstəxanasının əməkdaşı Ceyhun Adışlı "Pan American Health Organization" (PAHO) tərəfindən təşkil olunan “Series I of Certifiable Webinars on Digital Health – 2025” proqramını uğurla başa vurub.

Aztibb.az xəbər verir ki, PAHO-nun "Virtual Campus for Public Health" platformasında keçirilən proqram rəqəmsal səhiyyə sahəsində bilik və bacarıqların inkişaf etdirilməsinə yönəlib. Proqramın tələblərini uğurla tamamlayan Ceyhun Adışlıya müvafiq sertifikat təqdim olunub.

Müasir səhiyyə sistemində rəqəmsal həllərin tətbiqi, məlumatların effektiv idarə olunması və tibb işçilərinin bu istiqamətdə bilik və bacarıqlarının davamlı inkişaf etdirilməsi mühüm əhəmiyyət daşıyır.

Yardımlı Rayon Mərkəzi Xəstəxanasından bildirilib ki, əməkdaşların beynəlxalq təhsil və peşəkar inkişaf imkanlarından yararlanması, əldə etdikləri bilik və təcrübənin müəssisənin rəqəmsal inkişafına və tibbi xidmətlərin keyfiyyətinin yüksəldilməsinə yönəldilməsi dəstəklənir.