Tərtər Rayon Mərkəzi Xəstəxanasında tibb işçiləri, o cümlədən vaksinasyaya məsul şəxslər “Peyvəndlərin daşınması və saxlanması” mövzusunda təlimə cəlb olunub.

 

Xəstəxanadan Aztibb.az-a bildirilib ki, təlimdə Keyfiyyətə Nəzarətin İdarə Edilməsi üzrə mütəxəssis Zərintac Cümşüdova, Müəssisədaxili təlimlərin təşkili üzrə koordinator Yeganə Səfərova, pediatrlar, tibb bacıları iştirak ediblər.

 

Təlim zamanı həkim-pediatr Arzu Soltanova çıxış edərək peyvəndlərin effektivliyinin qorunması üçün “Soyuq Zəncir” sisteminin əhəmiyyəti, düzgün temperatur rejiminin təmin edilməsi, saxlanma və daşınma qaydaları, həmçinin bu sahədə yol verilə biləcək səhvlər və onların qarşısının alınması yolları barədə ətraflı məlumat verib.

 

Eyni zamanda, peyvəndlərin xüsusi termoçantalar vasitəsilə daşınması, temperaturun davamlı monitorinqi, peyvəndlərin dondurulmaması və istifadə müddətinə ciddi nəzarət olunmasının vacibliyi diqqətə çatdırılıb.

 

Təlim çərçivəsində praktik nümunələr göstərilib, iştirakçıların sualları cavablandırılıb və gündəlik fəaliyyətlərində qarşılaşdıqları çətinliklər müzakirə olunub.