Azərbaycan Tibb Universitetinin (ATU) 6 tələbəsi Türkiyədə keçirilən “SAÜTTAT” (Sakarya Üniversitesi Tıp Fakültesi Tıbbi Araştırma Topluluğu) beynəlxalq konqresində universitetimizi uğurla təmsil edib. 

Bu barədə Aztibb.az-a ATU-dan bildirilib.

Müasir tibbdə ən maraqlı transformasiya olan “Fərdiləşdirilmiş Tibb. Səhiyyədə Paradiqma Dəyişikliyi” mövzusu altında təşkil edilən konqresdə ATU tələbələri elmi poster və təqdimatlarla çıxış edərək, universitetimizin akademik potensialını beynəlxalq platformada nümayiş etdiriblər.

Beynəlxalq tədbir boyunca biomarkerlərin kəşfi və genomik profilləşdirmə, süni intellektlə dəstəklənən diaqnostika metodları və məqsədyönlü farmakoloji müdaxilələrə qədər geniş spektrdə fərdiləşdirilmiş səhiyyənin gələcəyini müzakirə edilibi. Məqsəd xəstələrin həyat keyfiyyətini yaxşılaşdıracaq bu inqilabi yanaşmanın elmi əsaslarını hərtərəfli araşdıraraq nəzəri bilikləri klinik təcrübə ilə bir araya gətirməkdir.