Professor Yavuz Səlim Yıldırım qulaqların düşündüyümüzdən daha həssas olduğunu ifadə edərək, qulaqlara zərər verə biləcək amilləri sadalayıb.

Aztibb.az “CNN Türk”ə istinadən xəbər verir ki, onun sözlərinə görə, bəzi davranışlar və vəziyyətlər qulaq sağlamlığına mənfi təsir göstərə bilər.

Yüksək səs: Qulaqlar yüksək səslərə həssasdır və uzun müddət məruz qalma eşitmə itkisinə səbəb ola bilər. İş yerində yüksək səslə musiqi dinləmək, silah səsləri və yüksək səs-küy kimi vəziyyətlər qulaq sağlamlığına mənfi təsir göstərir.

Qulaq çubuqları: Qulaq kirinin təbii şəkildə çıxarılmasının qarşısını alan qulaq təmizləyici çubuqlar qulaq kanalını bağlaya və zədələyə bilər. Bundan əlavə, çubuqlar qulaq pərdəsinə zərər verə bilər.

Mobil telefon: Cib telefonları radiasiya və elektromaqnit dalğaları yayaraq qulaq sağlamlığına zərər verə bilər. Xüsusilə uzun müddət telefonda danışmaq elektromaqnit dalğalarının təsirindən qulaqda cingilti və ağrıya səbəb ola bilər.

Siqaret və dərmanlar: Siqaret çəkmək qan damarlarına təsir edir, qulağa qan axını azaldır və eşitmə itkisinə səbəb olur. Bəzi dərmanlar da qulaq hüceyrələrinə zərər verə bilər.

Qulaq damcıları: Şüursuz olaraq istifadə edilən bəzi qulaq damcıları qulağa zərər verə bilər. Tərkibindəki maddələrə görə qulaqda mantar infeksiyası və iltihaba səbəb olur.

Pirsinq: Qeyri-gigiyenik pirsinq prosedurları qulaq qığırdaqlarında əriməyə və infeksiyaya yol açır. Qulaq qığırdaqlarını deşərkən həkim nəzarəti vacibdir.

Başgicəllənmə: Başgicəllənmə daxili qulağa təsir edərək tarazlıq sistemini poza bilər. Bu zamanla eşitmə orqanına zərər verə bilər. Başgicəllənmədən şikayət edənlər mütləq mütəxəssisə müraciət etməlidirlər.