Səhiyyə Nazirliyi İctimai Səhiyyə və İslahatlar Mərkəzinin (İSİM) direktoru Qəhrəman Haqverdiyev Tallin Xartiyasının imzalanmasının 15-ci ildönümünə həsr olunan “Etibarlıq və transformasiya: gələcəyin həyat qabiliyyətli və dayanıqlı səhiyyə sistemləri” mövzusunda keçirilən konfransda iştirak edib.
İSİM-dən Aztibb.az-a bildirilib ki, tədbir Ümumdünya Səhiyyə Təşkilatının Avropa Bürosu tərəfindən Estoniyanın Tallin şəhərində təşkil olunub.
Avropanın əksər ölkələrinin və keçmiş SSRİ ölkələrinin səhiyyə menecerləri və təşkilatçıları, iri tibb mərkəzlərinin rəhbərləri, alimlər konfransda iştirak ediblər.
İSİM-in direktoru plenar iclasda çıxış edərək, Azərbaycanda son illər həyata keçirilən sosial-iqtisadi siyasət nəticəsində görülən işlər və əldə olunan nəticələr barədə ətraflı məlumat verib.
Konfransın yekununda Avropa regionunda səhiyyənin inkişafı üçün yeni hədəflər müəyyən edən yekun sənədlər qəbul olunub.