Yazmaq fiziki, emosional və zehni olaraq bizə müsbət təsir edir.

Aztibb.az cnnturk.com saytında dərc edilən mütəxəssis yazısına diqqət çəkib.

Yazı stressi azaldır, qərar qəbul etməyə imkan verir

Yazmaq stresin təsirini azaltmaq üçün bir müalicə kimi çıxış edir. Çünki yazı bizə daxili aləmimizdəki gizli duyğu və düşüncələri kəşf etməyə imkan verir. Bu, ağlımızın dərinliklərində gizlənən stress mənbələrini aşkar edərkən onlara müraciət etməyi asanlaşdırır.

Yazarkən düşüncələrimiz təmizlənir və daha aydın düşünürük. Daha aydın düşünmək daha yaxşı seçimlər etməyə imkan verir.

Çətin anların öhdəsindən daha asan gələ bilərsiniz

Yaşanan travma və ya mənfi xatirələri yazı ilə ifadə etmək psixoloji sağlamlığımıza da müsbət təsir edir. Mənfi emosiyalara səbəb olan bu xatirələr haqqında yazmaq bu duyğuların yazıldıqca yenidən qurulmasına imkan verir.

Yazmaq beyninizdəki neyronları aktivləşdirir və onu digər tapşırıqların öhdəsindən gəlməyə hazır edir. Bundan əlavə, tapşırıqlarınızı müvafiq sözlərlə yazmaq sizi onları düzgün yerinə yetirməyə hazırlayır. Bədən və ağıl arasında yeni əlaqələr qurarkən, daxili dünyamıza və əsas mənliyimizə bir qapı açır.

Sizdə minnətdarlıq hissi yaradır və həvəsləndirir

Beyninizdəki düşüncələr xaotik olduqda, bəzən biz nəyə sahib olduğumuzun fərqinə varmadan üsyan edirik. Ancaq problemlərinizi yazdığınız zaman kağız üzərində daha kiçik və sadə görünəcəklər.
Yazmaq motivasiya əldə etmək üçün çox təsirli bir üsuldur. Yazı alt düçüncəni birləşdirməyə kömək edən bir növ mənəvi və sinir-əzələ fəaliyyətidir. Bu, həm ağlınızda, həm də ürəyinizdə nə etməli olduğunuzu yazmağınıza kömək edir.

Yazarkən, həm də hədəflərinizi nəzərdən keçirə və onları zehninizdə təsəvvür edə bilərsiniz, nəyi yarımçıq qoyduğunuzu və ya nəyi etmədiyinizi və nə qədər etdiyinizi yoxlayaraq, diqqətinizi saxlamaqla, məqsəddən yayınmayacaqsınız.

Ardı var...