Göz sağlamlığı və xəstəlikləri mütəxəssisi Adnan İpçioğlu uşaqlarda görmə qüsurlarının məktəbdə öyrənmə bacarıqlarına mənfi təsir etdiyini, gələcəkdə akademik, sosial və gündəlik həyatda bir çox problemlərə səbəb olduğunu bildirib.
Aztibb.az haberturk.com-a istinadən xəbər verir ki, həkim görmə pozğunluqları müalicə edilməzsə, təkcə uşaqların öyrənmə qabiliyyətinə deyil, məktəbə uyğunlaşma prosesinə və şəxsiyyətinə də mənfi təsir göstərəcəyinə diqqət çəkib.
"Ailələrin uşaqlarının təhsildə uğur qazanması üçün tədbir görməsi və lazımi müayinələrdən keçməsi lazımdır. Görmə problemləri məktəbəqədər uşaqların yüzdə 5-10-na, məktəb çağındakı uşaqların isə yüzdə 20-30-na təsir edir. Uşaqların dərslərdə müvəffəqiyyətinin aşağı olması onların qabiliyyətlərinə görə deyil, görmə zəifliyinə görə ola bilər", - deyə həkim vurğulayıb.
Uşaqlarda ən çox rast gəlinən xəstəliklər arasında gözün çəpliyi, ambliopiya, gözyaşı kanalının tıxanması, miyopi, hipermetropiya, astiqmatizm və konyuktivit olur. Erkən diaqnoz qoyulmazsa uşaq lövhəni kifayət qədər oxuya bilmir: "Yaxşı görə bilməmək, oxuyarkən sətirləri atlamaq, əli ilə cümlələrin arxasınca getmək, bir gözlə irəli baxaraq kitab oxumaq, yaxından televizora baxmaq, gözləri sulanmaq görmə qüsurlarının əlamətləridir".
Göz pozğunluğuna qarşı heç bir tədbir görülmədikdə, göz tənbəlliyi başlayır və bu, sonrakı illərdə uşağın görmə keyfiyyətinə təsir edir.
Hər 6 aydan bir müntəzəm müayinələr uşaqların göz sağlamlığı üçün vacibdir. Erkən diaqnozla, müalicə prosesini asanlıqla aşmaq olar.