Balqabaqdan şorbalar, salatlar, pirojnalar və müxtəlif xörəklər hazırlanır, çünki bu tərəvəz müxtəlif vitamin və minerallarla zəngindir.

Aztibb.az life.ru-ya istinadən xəbər verir ki, diyetoloq Yekaterina Şapovalova balqabağın faydalı xüsusiyyətlərini sadaladı.

O bildirib ki, bu tərəvəzin tərkibində kalium, fosfor, kalsium, maqnezium, natrium, dəmir, sink, C, E, PP, B2, B6, B1 vitaminləri, toxumlarında karotenoidlər, fosfolipidlər, fosfatidlər, sterollar və flavonoidlər də var.

Mütəxəssis qeyd edib ki, balqabaq tumları tərkibində sinkin çox olması səbəbindən kişilərin sağlamlığını və ürək-damar sisteminin vəziyyətini yaxşılaşdırır.

Onun fikrincə, böyük və çox gözəl balqabaq çox da faydalı deyil, boz və orta ölçülü olanı seçmək daha uyğundur.