Aztibb.az xəbər verir ki, tanınmış həkim-pediatr Günay Rəsulova bildirib ki, bu siroplar bronxların selikli qişasındakı hüceyrələrdən sekret ifrazını artırdığı üçün bəlğəmi daha da çoxalda, bəlğəmi normalda da xaric etməkdə çətinlik çəkən körpənin artmış bəlğəmlə boğulmasına zəmin yarada bilər. Ən gözəl bəlğəmdurulaşdırıcı və bəlğəmin xaric olmasına kömək edən vasitə sudur. Ona görə öskürən uşaqlarınıza bol su verin.

1 yaşa qədər körpələr və bala allergiyası olan uşaqlar xaric digər uşaqlarda bal da öskürək üçün faydalı vasitədir. Öskürəyi azaldan, xəstəliyin irəliləməsi və ağırlaşmasının qarşısını alan əsas şey isə uşağın burun tənəffüsünün açıq tutulması, tıxalı burnu tez tez təmizləmək, olduğu otağın havasını isə sərin və normal nəmlilikdə tutmaqdır.

 

Günümüzdə öskürək üçün çox istifadə etdiyimiz isə inqalyasiya müalicəsidir. Tez təsirli və dərman maddəsinin qanda qısa müddət qalaraq çox effekt verməsi, boğulmanın qarşısının alınması, uşağın klinik rahatlaşması və bəlğəmi daha asan xaric etməsinə kömək etməsi ilə üstünlükləri çoxdur.

 

Həkim inqalyasiyanın heç bir asılılıq yaratmadığını da söyləyib: "Əlbəttə ki, hər uşağa və xəstəliyə görə inqalyasiya edəcəyimiz dərmana xüsusi həkim göstərişi olmalıdır. "Bəlğəmi çıxarsın” deyə uşağı qusdurmağa ehtiyac yoxdur. Uşaq öskürərkən gətirdiyi bəlğəmi udub bağırsağı ilə xaric edir. Udduğu bəlğəm geri nəfəs yoluna yox mədəyə, ordan bağırsağa və bədəndən onsuz da atılır".