Ümumdünya Səhiyyə Təşkilatının (ÜST) ən son təlimatlarına əsasən, hər bir insan müntəzəm olaraq fiziki məşqlər etməlidir. Böyüklər bir həftə ərzində ən azı 150-300 dəq orta intensivlikli aerob məşqlər etməlidirlər (məsələn, orta sürətli qaçış, yürüş, velosiped sürmək və ya üzgüçülük). Bundan əlavə, sağlam qalmaq üçün, böyüklər, həmçinin həftədə 2 və ya daha çox, bütün əsas əzələ qruplarını əhatə edən orta və ya daha yüksək intensivlikdə əzələ gücləndirici məşqlər etməlidirlər.