Həkim bildirib ki, boğulan uşaq həyəcanlı və ajiotajda olduğu üçün uşağı sakitləşdirməli, bunun üçün öncə valideyn özü sakit olmalıdır. Uşağı ağlamağa qoymamaldır. Çünki o, ağladıqca inaq və boğulma artır.

 

 

- Təcili yardım çağırmalı və ya aparmağa hazırlıq görməli;

- Maşında maksimum soyuq dərəcə temperaturu təmin etməli. İsti peç boğulmanı artıracaq;

- Uşağı yataqdan qaldırmalı və ya başını dik tutmalı;

- Uşağı havaya çıxarmalı və ya soyuq buxara tutmalı (soyuducunun buxarına da ola bilər);

- Evin havasını soyutmalı, nəmləndirməli. İsti havada tıxanma daha da artır. “Uşağa soyuq olar“ deyib, evi isti etdikcə tıxanma, boğulma çoxalacaq;

- Uşağa bol su içirməyə çalışılmalı;

- Qızdırması varsa, dərman verilməli;

- Təcili yardımda, xəstəxana şəraitində boğulması olan uşağa adrenalinli soyuq buxar və steroidlər verilib nəzarətdə saxlanmalı. Bir neçə saata vəziyyəti normallaşan uşağı evə aparmalı, tıxanması keçməyən uşağa isə xəstəxanada nəzarəti davam etdirməli;

- İnaq 90 faiz hallarda virus mənşəli (parainfluenza) olduğu üçün simptomlara uyğun müalicə edilməli, antibiotik verilməməlidir;

- İnaqda ventolinlə inqalyasiya etmək boğulmanı artıra biləcəyi üçün valideynlər həkimlə danışmadan dərmanla inqalyasiya etməməlidir.