Aztibb.az xəbər verir ki, həkim-fitoterapevt Fizuli Hüseynov bu barədə məlumat paylaşıb. Həkimin fikrincə:

 

- Masaj olunan sahələrdə qan dövranı sürətlənir, qan dövranına mane olan hissəciklərin geriyə sorulması baş verir və bununla da ürəyimizin işini həddindən artıq rahatlandırır.

- Masaj zamanı bədəndə xoşbəxtlik hormonları çoxalır, ağrılar azalır və ən əsası insan stresdən uzaqlaşır, yuxusu dərinləşir.

- Masaj əzələlərin qanla təchizatını yaxşılaşdırır, bununla da əzələ qıcolmalarını aradan götürür.

- Sinir inervasiyasının pozulması nəticəsində ayaqlarda, qollarda nazikləşmələr baş verir, bu zaman masaj ən səmərəli müalicə vasitəsidir.

- Masaj piylərin əridilməsinə səbəb olur, məsələn, qarının, kürəkaltı piylərin və s. həddindən çox önə çıxması zamanı masaj faydalıdır.

- Sellülitlərin yox edilməsi üçün də masaj faydalıdır.

- Bütün bədənin başdan-başa ən azı saat yarım masaj edilməsi insanın immunitetini artırır, ürək-qan-damar sisteminin işini rahatlaşdırır, qaraciyərin filtr funksiyasını yaxşılaşdırır. Dərinin təravətli olmasına səbəb olur.

 

Həkimin sözlərinə görə, masaj həm quru, həm də müxtəlif yağlarla edilə bilər. Əgər masaj zamanı dəri sorulmasının artmasını nəzərə alsaq, onda tam təbii yağlarla masaj daha səmərəli olar: "Məsələn, sızma zeytun yağı ilə tərkibində neft mənşəli yağlarla duru parafinlə masajı məsləhət görmürəm, çünki belə yağlar dərimizdən daxilə sorulur və damar tıxanmalarına səbəb olurlar. Masaj əvvəlcə sığallama, sonra çimdikləmə, sonra səthi olaraq təzyiq, sonra burma, sonra vurma və yavaş-yavaş döycələməni artırma, sonra əlin içi ilə şillələmə, növbəli barmaqlarla döyəcləmə və geriyə həyata keçirilir. Masaj birdən-birə, dərindən edilməməlidir. Əvvəlcə səthi, sonra yavaş-yavaş dərinləşməli və sonda yenə səthiləşməlidir. Masajın sonunda dəri qızarmalıdır".