Artrit xəstəliyinə tutulmuş insanlar hətta soyuqladıqda belə, immunitet aşağı düşür. Ona görə də artritin qarşısını almaq üçün sağlam həyat tərzi keçirmək məsləhət görərdim. Düzgün və sağlam qidalanma, iş rejiminin düzgün qurulması, yorğunluqdan və stressdən uzaq olmaq, siqaret çəkmək və alkoqollu içkilərdən müntəzəm istifadə etməkdən imtina etməklə artritin qarşısını almaq mümkündür.

  

Hazırda artritin müalicəsində ambulator müayinədən istifadə edilir. Artritlərdə müalicənin nəticələrinin proqnozu müsbətdir.

 

Əsrimiz texnika və texnologiyalar əsridir. İnsanların çoxu artıq oturaq həyat tərzinə öyrəşib. Bütün günü kompüter arxasında oturan insanlarda da bu xəstəliyin yaranması təsadüfi deyil. Hərəkətsizlikdən qan dövranı pisləşir, bu da maddələr mübadiləsinin pozulmasına, bir sıra xəstəliklərin, o cümlədən artritin əmələ gəlməsinə səbəb olur.

 

Ona görə də ofislərdə işləyən insanlar hər bir saatdan bir kompüterin və ya yazı masasının arxasından qalxmalı, yüngül fiziki hərəkətlər etməlidirlər.

 

"Çəkinizi daim nəzarətdə saxlayın. Artıq çəki təkcə artrit deyil, digər xəstəliklərin də yaranmasına yol açan bir amildir. İndi payız fəslidir. Adətən yaz-payız aylarında da iltihabi xəstəliklər baş qaldırır. Ona görə də, məsləhət görərdim ki, mövsümə uyğun geyinib özünüzü soyuğa verməyəsiniz, sağlam həyat tərzi keçirin və iltihabi xəstəliklərdən özünüzü qoruyun", - deyə həkim əlavə edib.