Həkim bildirib ki, erqonomikaya diqqət yetirmək lazımdır: kompüterin ekranını göz səviyyəsində yerləşdirin və mausu isə əlinizin uzanmaq məcburiyyəti olmayacaq qədər uzaq tutun. Klaviatura və maus istifadə edərkən biləklərinizin açıq vəziyyətdə olduğundan əmin olun:

 

"Mobil cihazlarınızdan istifadə edərkən: telefonla danışarkən qulaqlıqdan istifadə edin və ya səsgücləndiricini açın. Planşeti gövdənizin bükülmüş vəziyyətində və ya başınızın aşağıya doğru əyilmiş vəziyyətdə istifadə etməyin.

 

Eynəyinizi hər il yoxladın: eynəkdən istifadə etmək məcburiyyətindəsinizsə, gözünüzün görmə səviyyəsini hər il yoxladın. Belə ki, görmə qabiliyyətinizdə problemlər olan zaman və ya eynəyinizin ölçüsü düzgün olmadıqda, oxuyarkən boynunuzu oxuduğunuz vasitəyə doğru qeyri-ixtiyari əymək məcburiyyətində qalacaqsınız. Bu da boyun əzələlərinizin gərginləşməsinə səbəb olacaqdır.

 

Yastıq istifadə edərkən: sərt və yüksək yastıqlardan çəkinin. Yastıqsız yatmaq da yaxşı deyil. Yana doğru yatarkən boynunuzun yatağa paralel olmasını təmin edəcək hündürlükdə və orta sərtlikdə yastıqlardan istifadə edin.

 

İdman edərkən: boynumuzu zorlayacaq hərəkətlərdən çəkinin, xüsusən "Upright Row" və "Up Pul Down" hərəkətləri. Digər hərəkətləri də etməklə həddindən artıq boynunuzu yükləməkdən çəkinin.

 

Yuxu keyfiyyətinizə diqqət yetirin: yuxu pozğunluqları skelet-əzələ sistemində ağrıya səbəb ola bilər.

 

Susuz qalmayın: doğulduğumuz zaman onurğamızda fəqərələrarası disklərin təxminən 80% sudan təşkil olunur. Yaşlandıqca disklərin su tərkibi azalır və disklər yastılaşır. Hər gün kifayət qədər su içmək bütün bədənimiz üçün faydalıdır.

 

Maqnezium tərkibli qidalar: boyun ağrısının böyük əksəriyyəti əzələ gərginliyi və ya əzələ spazmından qaynaqlanır. Maqnezium əzələlərin rahatlamasına kömək edir. Meyvə, tərəvəz, soya, lobya və taxıl maqneziumla zəngindir".