"Böyrək daşı kanalda tıxanıqlıq yaradıbsa, bu, güclü ağrı, üşütmə, titrətmə verə bilər".

Aztibb.az-ın məlumatına görə, bunu Səhiyyə Nazirliyinin “Instagram” səhifəsindəki canlı yayımda Azərbaycan Tibb Universitetinin Urologiya kafedrasının doktorantı Araz İbrahimov bildirib.

Onun sözlərinə görə, 10 gün, 2 həftə ərzində daş düşmürsə, bu, xəstə üçün təhlükəlidir, çünki nefronlar sıradan çıxır və bu, böyrəyin itirilməsinə səbəb ola bilər: "Əsas böyrəklə sidik kanalı arasında 20 millilik yerdir, daş sidik kanalına düşdükdən sonra rahat çıxa bilir. Daşın ölçüsündən asılı olaraq 7 millimə qədər olanda düşmə faizi 70-dir, 8-dirsə düşmə faizi 15-ə qədər düşür. Elə xəstələr var ki, kanal dar olduğu daşın ölçüsü 4 millim olanda belə düşmür. 2 həftə ərzində böyrək daşının düşməsinə kömək etmək üçün bol maye ilə hərəkətli olmaq lazımdır, pilləkəni qalxıb-düşməkdir”.