Aztibb.az xəbər verir ki, həkim-terapevt Sübhan Hacıyev bu barədə ətraflı məlumat verib.

 

 

D vitamini əksikliyi ən çox yorğunluq, ürəkdöyüntünün artması, tərləmə, əzələ-sümük ağrıları, saç tökülmələri, dırnaqlarda qırılmalar, depressiv hal, immun sisteminin zəifləməsiylə özünü büruzə verir.

 

 

• kalsium-fosfor mübadiləsini tənzimləyir

• maddələr mübadiləsini sürətləndirir

• sümük və qığırdaqları bərkidir

• sinir impulslarının ötürülməsini yaxşılaşdırır

• ana bətnində embrionun normal inkişaf etməsinə kömək edir

 

 

• ağbəniz insanlarda

• qapalı məkanlarda çalışan insanlarda

• yaşlı insanlarda

• qidalanma problemi olanlarda

• günəş işığından qorunmaq üçün qoruyucu krem istifadə edənlərdə

• hamilə və süd verən analarda

• xroniki qaraciyər və böyrək xəstəliyi olanlarda

 

 

Günlük D vitamini ehtiyacı yaşa və defisitin dərəcəsinə görə dəyişir. Bu səbəblə doza seçimi mütləq həkim tərəfindən təyin olunmalıdır. Eyni zamanda günlük kalsium qəbulunun da optimal dərəcədə olması lazımdır.

 

 

Yüksək dozada D vitamininin qəbulu orqanizmdə həddindən çox depolanmaya və intoksikasiyaya yol açar. D vitamini zəhərlənməsi bağırsaqlardan kalsium sorulmasını çoxaldaraq qanda kalsium səviyyəsinin yüksəlməsinə səbəb olur. Bu da nəticədə ürəkbulanma, qusma, sərsəmlik, qəbizlik kimi simptomlarla özünü büruzə verir.

 

 

Günəş şüalarından ən çox fayda gördüyümüz saatlar 11:00 ilə 15:00 arasındakı zaman kəsiyidir. Bu saatlarda günəşdən qorunma kremi yaxmadan 20-25 dəqiqə günəşlənmək vacibdir. Eyni zamanda qida rasionumuza gündəlik balıq (əsasən TON balığı), süd və süd məhsullarını əlavə etməliyik.