1 - Tibbi mikrobiologiya və İmmunologiya, Epidemiologiya, Yoluxucu xəstəliklər və Ftiziatriya bölməsi

2 - Biokimya bölməsi

3 - Gigiyena bölməsi

 

Aztibb.az xəbər verir ki, konfransa adıçəkilən fakültənin dekanı t.ü.e.d., prof. A.Ə.Ağayev sədrik edib. Sədr müavinləri İSF-nin TEC-nin rəhbəri dos. F.Ş.Tağıyeva, TEC-nin sədri F.Z.Məmmədova olublar.

 

Onlayn konfransın açılışında A.Ə.Ağayev giriş sözü ilə çıxış edərək, elmi kadrların yetişdirilməsində, tələbələrə təcrübi biliklərin aşılanmasında, tələbələrin elmi-tədqiqat işinə maraqlarının artırılmasında və gələcəyin mütəxəssisi kimi yetişdirilməsində TEC-nin bir platforma olmasını söyləyib. Sonra TEC-nin elmi rəhbəri dos. F.Ş.Tağıyeva konfransda dinləniləcək məruzələr, konfransın gündəliyi, reqlament və s. barədə məlumat verib. Qeyd edib ki, bu konfransın qısa müddətdə təşkilində həm kafedraların TEC-nin rəhbərlərinin, həm də tələbələrin özlərinin böyük əməyi var. Daha sonra TEC-nin sədri F.Z.Məmmədova proqram üzrə məruzəçilərə söz verib. Çıxışlar bitdikdən sonra məruzələr, prezentasiyaların tərtibi, onların dizaynı və s. haqda fikir mübadiləsi aparılıb.

 

Konfransın proqramına müvafiq olaraq 24.05.2021-ci il tarixdə Tibbi mikrobiologiya və İmmunologiya, Epidemiologiya, Yoluxucu xəstəliklər və Ftiziatriya bölməsi üzrə, 25.05.2021-ci il tarixdə isə Gigiyena və Biokimya bölmələri üzrə məruzələr dinlənilib. Qeyd etmək lazımdır ki, ümumilikdə konfransın təşkilat komitəsinə 25 TETİ təqdim edilib. Mikrobiologiya və İmmunologiya, Epidemiologiya, Yoluxucu xəstəliklər və Ftiziatriya bölməsində - 12, Gigiyena bölməsində - 5, Biokimya bölməsində - 8 məruzə dinlənilib.

 

Konfransda İctimai səhiyyə fakültəsinin tələbələri ilə yanaşı, Müalicə-profilaktika, Hərbi tibb və Əczaçılıq fakültələrinin tələbələri də fəal iştirak ediblər. Bundan başqa, əcnəbi tələbələrin məruzələri də böyük marağa səbəb olub. Konfransa təqdim edilən işlərin əksəriyyəti müasirliyi və təcrübi əhəmiyyəti ilə fərqlənirdi. İSF-nin tələbələri dövrümüzün bəlasına çevrilmiş COVID-19 pandemiyasının dünya üzrə yayılması, onun mikrobioloji, epidemioloji, klinik xüsusiyyətlərinin tədqiqinə, gigiyenik qiymətləndirilməsinə, orqanizmdə baş verən biokimyəvi proseslərin öyrənilməsinə daha geniş yer ayırıblar. Onlar apardıqları araşdırmalarda problemin müxtəlif aspektlərini işıqlandırmaqla, bir daha onun aktuallığını göstərib və COVID-19 infeksiyası ilə mübarizədə vaksinasiyanın böyük rol oynadığını, hamılıqla peyvəndlənməyə qoşulmanın dəstəklənməsini qeyd ediblər.

 

Konfransın sonunda tədqiqat işini yerinə yetirən tələbələrə sertifikatlar, ən fəal iştirak edən müəllimlərə isə diplomlar təqdim olunub. Konfransda TEC-nin fəaliyyətinin yaxşılaşdırılması üzrə müəllimlər tərəfindən maraqlı təkliflər və tövsiyələr də səsləndirilib.