Fransaın Strasburq şəhərində Avropa Parlamentinin “Uşaqların təhlükəsizliyi və sosial medianın psixi sağlamlığa riskləri” mövzusunda keçirilən iclasında çıxışı zamanı Avropa İttifaqı Komissiyasının Nəsillərarası Ədalət, Gənclik, Mədəniyyət və İdmandan məsul üzvü Glen Micallef sosial şəbəkələrdə həddindən artıq ekran vaxtının və intensiv istifadə davranışlarının ciddi narahatlıq doğurduğunu bildirib.

Aztibb.az "Medikforum"a istinadən yazır ki, Glenn Micallefin sözlərinə görə, həddindən artıq ekran istifadəsi Avropada gənclər arasında artan psixi sağlamlıq böhranının əsas səbəblərindən biri kimi qiymətləndirilir: “Gənclərin psixi sağlamlıq böhranının əsas səbəblərindən biridir”

Qeyd edir ki, yalnız böyüklər üçün nəzərdə tutulan platformaların uşaqların yaşına uyğun olmayan məzmuna çıxışına imkan verməsi ciddi məsuliyyət doğurur. O, bəzi internet platformaları ilə bağlı ilkin araşdırmaların mövcud olduğunu da diqqətə çatdırıb.

Komissar bildirib ki, əgər bu platformaların qaydalara uyğun olmadığı təsdiqlənərsə, Aİ tərəfindən uyğunluqla bağlı qərarlar qəbul edilə bilər.

Rəqəmsal yaş yoxlanması və yeni qanunlar

Glenn Micallef üzv dövlətləri Komissiyanın rəqəmsal yaş yoxlama sistemindən istifadə etməyə çağırıb. O, 2026-cı ilin son rübündə təqdim olunması planlaşdırılan “Rəqəmsal Açılış Aktı”nın uşaqların onlayn mühitdə daha effektiv qorunmasını təmin edəcəyini bildirib.

Bu arada Avropa Komissiyası cinsi məzmunlu platformaların uşaqların qeyri-münasib məzmuna çıxışına şərait yaratması ilə bağlı 4 internet saytı üzrə araşdırma aparır.

“Bu bir epidemiyadır”

Avropa Parlamentində Sosialistlər və Demokratlar qrupunun vitse-prezidenti Alex Agius Saliba sosial medianın həddindən artıq istifadəsinin uşaqların inkişafına mənfi təsir etdiyini vurğulayaraq vəziyyəti “epidemiya” adlandırıb və təcili tədbirlərin görülməsini tələb edib.

“Uşaqlar risklərdən qorunmalıdır”

“Avropanı Yenilə” qrupunun rəhbəri Valérie Hayer isə sosial medianın uşaqlar üçün ciddi təhlükələr yaratdığını bildirib. O, “azadlıq” anlayışının uşaqları risklərə məruz qoymaq deyil, onların təhlükəsiz böyüməsini təmin etmək olduğunu qeyd edib.