Aztibb..az xəbər verir ki, astiqmatizm gözə paralel düşən işıq şüalarının eyni bucaq altında sınmayaraq görüntünü yayılmış şəkildə göstərilməsi xəstəliyidir.

 

Astiqmatizm buynuz qişanın quruluş patalogiyası olduğuna görə anadangəlmə hallara rast gəlinir. Lakin bəzi hallarda göz xəstəlikləri ilə əlaqədar olaraq yarana bilir. Məsələn, buynuz qişa travmaları, buynuz qişanın iltihabi xəstəlikləri, büllurun bulanması kimi hallarda da astiqmat müşahidə edilir. Astiqmatizm daha çox genetik faktora bağlı, irsidir.

 

Astiqmatizmi olan şəxslər zəif, bulanıq, keyfiyyətsiz, yayılmış görmədən şikayət edirlər. Müalicə taktikası onun yaranma səbəbindən asılı olaraq dəyişir. Əgər irsiyyətdə olan astiqmatizm özünü büruzə verirsə, erkən yaşlarda eynək və ya kontakt linza təyin olunur.

 

Uşaq nə qədər erkən yaşda eynək taxmağa başlayarsa, görmə keyfiyyəti bir o qədər yüksək olur. Daha irəli yaşlarda, 18 yaşdan yuxarı olan pasiyentlərə müasir lazer cərrahi müalicə üsulları tətbiq oluna bilər.