STM-dən Aztibb.az-a verilən xəbərə görə, Mülki müdafiə bölməsinin əməkdaşları tərəfindən keçirilən təlim zamanı iştirakçılara yanğın baş verdikdə düzgün davranış qaydaları, insanların təhlükəsiz təxliyəsinin təşkili, həmçinin ilkin yanğınsöndürmə vasitələrindən səmərəli istifadə üsulları barədə ətraflı məlumat verilib.

 

Təlimin praktiki hissəsində xüsusi avadanlıq vasitəsilə süni yanğın ocağı yaradılıb. Tibb müəssisələrinin əməkdaşları yanğınsöndürmə balonlarından istifadə qaydalarını əyani şəkildə tətbiq edərək, mümkün fövqəladə hallarda operativ və düzgün hərəkət etmək bacarıqlarını nümayiş etdiriblər.

 

Keçirilən təlimin məqsədi tibb işçilərinin yanğın təhlükəsizliyi sahəsində bilik və bacarıqlarının artırılması, fövqəladə hallara hazırlıq səviyyəsinin yüksəldilməsi və müəssisələrdə təhlükəsizlik mədəniyyətinin daha da möhkəmləndirilməsidir