Aztibb.az xəbər verir ki, iki il ərzində bu bölmə ölkəmizin pediatrik reanimasiya və intensiv terapiya sahəsində ən aparıcı mərkəzinə çevrilib. Bu müddət ərzində sadəcə ağır və kritik vəziyyətdə olan uşaqlara yüksək səviyyədə tibbi yardım göstərilməyib, eyni zamanda Azərbaycan səhiyyəsində yeni səhifələrin yazılmasına töhfə verilib.

 

Bu iki il ərzində ölkəmizdə ilk dəfə həyata keçirilən bir sıra müasir intensiv terapiya metodları və yüksək texnologiyalı müdaxilələr uğurla icra edilib. Dünyanın qabaqcıl tibb mərkəzlərində tətbiq olunan bir çox yanaşmalar ilk dəfə olaraq bölmədə həyata keçirilib, bununla da Azərbaycan pediatrik reanimasiya və intensiv terapiyasının inkişafına mühüm töhfələr verilib. 

 

Həmçinin iki il ərzində PICU Bölməsində təhsil almış, təcrübə qazanmış və peşəkar şəkildə yetişmiş çoxsaylı həkimlər, rezidentlər və tibb bacıları bu gün Azərbaycanın müxtəlif şəhər və regionlarında fəaliyyət göstərərək əldə etdikləri bilik və bacarıqları cəmiyyətin xidmətinə təqdim edirlər.