Son illərdə IV (venadaxili) vitamin terapiyasına maraq artıb. Bu prosedur zamanı vitamin və minerallar damar daxilinə yeridilərək birbaşa qan dövranına ötürülür. Məqsəd orqanizmin qida maddələrini daha sürətli qəbul etməsinə kömək etməkdir.

Həkim bildirib ki, IV terapiyanın həyat keyfiyyətini artırdığı, yorğunluğu azaltdığı, immun sistemini dəstəklədiyi və susuzlaşmanın bərpasına yardım etdiyi bildirilir. Xüsusilə C vitamini, B qrupu vitaminləri, maqnezium və sink kimi maddələrdən istifadə olunur. Bəzi hallarda migren və xroniki yorğunluq zamanı əlavə dəstək məqsədilə tətbiq edilir.

Fərhad Burzu qeyd edib ki, bu üsulun ümumi sağlamlıq üçün faydalarını tam sübut edən kifayət qədər elmi araşdırma yoxdur. Bundan əlavə, yüksək dozalar və nəzarətsiz tətbiq müəyyən risklər yarada bilər. IV vitamin terapiyası yalnız həkim məsləhəti ilə və sağlam həyat tərzini tamamlayan əlavə dəstək kimi qiymətləndirilməlidir.