Azərbaycan Tibb Universitetinin (ATU) I Müalicə-profilaktika fakültəsinin IV kurs tələbəsi Telman Nurməmmədli Ümummilli Lider Heydər Əliyevin anadan olmasının 103-cü ildönümünə həsr olunmuş zirvə yürüşündə iştirak edib. 

ATU-dan Aztibb.az-a bildirilib ki, 9-10 may tarixlərində "Hiking Adventures" təşkilatçılığı ilə baş tutan yürüş Quba rayonunun Qalaxudat kəndindən başlayıb.
Yürüşdə 1 bələdçi və aralarında Azərbaycan, Türkiyə və Qazaxıstan vətəndaşlarının da olduğu 10 nəfərlik heyət iştirak edib. Təxminən 8 saat davam edən yürüş nəticəsində dəniz səviyyəsindən 3726 metr hündürlükdə yerləşən Qızılqaya zirvəsinə çıxılıb.