Uşaqlarda iştahsızlığın səbəbi müxtəlifdir. Hər hansı xəstəlik - məsələn hal-hazırda yayılmış olan yuxarı tənəffüs yollarının infeksiyası, anemiya (qan azlığı), vitamin D çatışmazlığı, əlavə kalori qəbulu (mağazadan alınan konservantlar), bədəndəki dəyişikliklər, parazitlər və s. ola bilər.

 

Bu barədə Aztibb.az-a Ağcabədi Rayon Mərkəzi Xəstəxanasının pediatrı Gülnar Kazımova məlumat verib.

 

Həkimin sözlərinə görə, uşaqlarda iştahsızlıq müşahidə olunduqda hər hansı iştahaçıcı preparat, vitamin kompleksi vermək yanlış olar: İlk öncə iştahasızlığın səbəbi aradan qalxmalıdır.

Uşaqlara bol maye vermək lazımdır. Yeməkdən əvvəl maye qəbul etməkləri məsləhətdir.

 

Gülnar Kazımova bildirib ki, əgər, uşaqlar ara yeməkləri çox yeyərsə əsas yeməkdən imtina edir. Bunu da valideyn iştahsızlıq kimi qiymətləndirir. Uşaqlarda halsızlığın səbəbləri yüksək hərarət, orqanizmin çox maye itirməsi (qusma,ishal), D vitamini çatışmazlığı ola bilər.