Respublika Təcili və Təxirəsalınmaz Tibbi Yardım Mərkəzinin Simulyasiya şöbəsinin təşkilatçılığı ilə onlayn təlim (vebinar) keçirilib. Təlimin əsas mövzusu “Ürəyin ritm pozulmaları üzrə alqoritm və böyüklərdə bradikardiya alqoritmi” olub.

 

Bu məlumat Aztibb.az-a Respublika Təcili və Təxirəsalınmaz Tibbi Yardım Mərkəzindən verilib.

 

Vebinar Suraxanı rayon Təcili Tibbi Yardım bölməsinin həkimi Ruslan Bağıyev tərəfindən keçirilib. Təlimdə həkimlər, tibb bacıları və feldşerlərdən ibarət ümumilikdə 87 nəfər iştirak edib.

 

Bildirilib ki, təlim çərçivəsində iştirakçılara ürək ritm pozğunluqlarının diaqnostikası, təcili müdaxilə prinsipləri, eləcə də bradikardiya hallarında tətbiq olunan müasir yanaşmalar barədə ətraflı məlumat verilib.

 

Tədbir interaktiv müzakirələr və sual-cavab sessiyası ilə davam etdirilib.

 

Belə təlimlərin təşkili təcili tibbi yardım xidmətlərinin peşəkarlıq səviyyəsinin artırılmasına, eləcə də əhaliyə göstərilən tibbi xidmətin keyfiyyətinin daha da yüksəldilməsinə xidmət edir.